• Inama nshingamateka yemeje integuro y’itegeko risubiramwo itegeko rigenga urwego rujejwe gucungera ingene ibimenyeshamakuru bikora CNC. Mubishasha biri munteguro y’iryo tegeko nuko urwo rwego rufise uburenganzira bwogutanga nokwaka ikarata y’umwuga umumenyeshamakuru. Bamwe mubashingamateka bakabonako ubwo bubasha bwokwaka ikarata umumenyeshamakuru butari guhabwa urwego CNC ahubwo bwari gushirwa mu minwe y’ubutungane.
• Imirwi itanu yashinzwe n’abari mu biganiro vy’i Arusha yatanguye kuraba nugutanga intererano ku bibazo ummunani vyashikirijwe n’umufasha w’umuhuza mu Biganairo bijanye n’matati ari mu gihugu c’uburundi . Inkuru ziva i Arusha zemeza ko kur’uyu wa gatanu ari imirwi izoshikiriza ivyi yashitseko mu nama ya bose .
• Umuntu umwe yishwe uwundi arakomereka amafaranga atazwi igitigiri aribwa n’abasuma bitwaje ibirwanisho bataegeye abadandaza b’inka mu kibira muri zone Bugarama komine Muramvya ni mugihe bari bavuye I bubanza bagiye mwisoko yinka i Muramvya . Umuvugizi w’igipolisi yemeza ko umuntu umwe murabo basuma yamenyekanye amatohoza ngo akaba abandanya .
• Umusuma yararashwe n’umuporisi mw’ijoro rayekeye ryo kuri uyu wa 29 Munyonyo muri quartier Gasekebuye, muri zone Musaga. Abanyagihugu baho bamenyesha yuko imihana yabo isanzwe igeramiwe n’abasuma biba mw’ijoro bagasaba ko abajejwe umutekano bokwongerezwa muri iyo Quartier. Mu gipolisi bemeza ko uyo muntu yarashwe kubera ngo yagira atere grenade abajejwe umutekano bariko bamukwirikirana . Pierre Nkurikiye avugira igipolisi yemeza ko ubusuma bwimonogoje muri quartier Gasekebuye igipolisi kigiye kubuhagurukira .
