• Imigambwe imwe imwe mu ntara ya Rumonge iridondomba ko yakumiriwe mu murwi w’intara ujejwe guhagararira amatora mur’iyo ntara .Bagasaba k’umurwi w’igihugu ujejwe amatora CENI ko wo bikosora kugira n’abonyene bagire uruhara murico gikorwa. Uwarahagarariye umurwi ceni mugihe hashikirizwa abagize CEPI y’ intara ya Rumonge yarahumurije ko abatari ku rwego rw’intara bashobora gushirwa mu mirwi ya ma komine CECI
• Ubushikiranganji bw’umutekano bwemeza ko bugiye gufata ngingo zizotuma amasanganya yo mwibarabara agabanuka . Umushikiranganji Alain Guillaume Bunyoni yemeza ko bagiye gutanga amanota kubatwara imiduga gushika aho abakoze amakosa menshi bakwa impusha zo kugendesha imiduga .
umushikiranganji w’umutekano akavuga kandi ko hagiye gusubirwamwo ibijane n’isuzumwa ry’imiduga . Uyo mushikiranganji akaba yabishikirije mu kiganiro ku bamenyeshamakuru kur’uyu wa gatatu.
• k’ubw’ishirahamwe rijejwe umutekano wo mwibarabara OSR ngo izo ngingo zari nziza ariko ngo nuko bigoye ko zishirwa ùmu ngiro . Nixon Habonimana arongoye OSR yemeza ko igipolisi kijejwe umutekano wo mwibarabara umengo cashiriweho kugenzura gusa imiduga y’abigenga . Uyo arongoye OSR asaba ko amakosa yose yohanwa ata mwana nikinono kugira amasanganya yibonekeza agabanuke
• Abanyagihugu baba muma quartier ya Cibitoke na Mutakura barashima isubirwamwo ry’ikiraro kiri ku ruzi Nyabagere ni muri zone ya Cibitoke. Ngo bizotuma amasanganya yahora ahabera agabanuka. Bamenyesha ariko ko ibarabara Rn9 ryuzuye ibinogo. Kubwabo ngo n’igikorwa cakozwe igice. Bagasaba ko iryo barabara ryokorwa
• Uwurongoye zone ya Cibitoke arahumuriza abo banyagihugu. Felix Nsabimana yemezako mu manama bagira bamaze kuvuga ibijanye nisubirwamwo ryiryo barabara. Akamenyeshako mu misi iri mbere iryo barabara rizokorwa. Nayo kubijanye n’isanurwa ry’ico kiraro, uwurongoye zone ya Cibitoke avuga ko ari igikorwa ciza.
